ಆಕ್ಲೆಂಡ್: ಒಮ್ಮೆ ಹಸಿರು ಕಾಡಿನಿಂದ ತುಂಬಿದ್ದ ದ್ವೀಪವದು. ನಂತರ ಮನುಷ್ಯರು ಅಲ್ಲಿಗೆ ಕಾಲಿಟ್ಟರು. ಕೃಷಿಗಾಗಿ ಕಾಡು ಬಲಿಯಾಯಿತು. ಪ್ರಾಣಿಗಳು ಕಣ್ಮರೆಯಾದವು. ಮಣ್ಣು ಬಿಗಿಯಾಯಿತು. ಪ್ರಕೃತಿಯ ಹಳೆಯ ರೂಪವೇ ಬಹುತೇಕ ಅಳಿದುಹೋಯಿತು. ಆದರೆ ಕಥೆ ಅಲ್ಲಿಗೆ ಮುಗಿಯಲಿಲ್ಲ…
ಬರ್ದು ನೆಲವಾದ ನ್ಯೂಜಿಲೆಂಡ್ನ ಆಕ್ಲೆಂಡ್ ಸಮೀಪದ ಹೌರಾಕಿ ಗಲ್ಫ್ನಲ್ಲಿರುವ Tiritiri Matangi ಎಂಬ ದ್ವೀಪ ಇಂದು ಮತ್ತೆ ಹಸಿರಿನಿಂದ ಕಂಗೊಳಿಸುತ್ತಿದೆ. ಅಪರೂಪದ ಪಕ್ಷಿಗಳು ಇಲ್ಲಿ ಸಂಚರಿಸುತ್ತವೆ. native forest ಮತ್ತೆ ಬೆಳೆದಿದೆ. ಒಂದು ಕಾಲದಲ್ಲಿ ಕೃಷಿ ಭೂಮಿಯಾಗಿದ್ದ ಪ್ರದೇಶ ಇಂದು ಸಂರಕ್ಷಣಾ ತಾಣವಾಗಿ ಗುರುತಿಸಿಕೊಂಡಿದೆ.
ಈ ಬದಲಾವಣೆಯ ಹಿಂದೆ ದೊಡ್ಡ ಕಂಪನಿಯ ಹಣವಿರಲಿಲ್ಲ. ಅಲ್ಲಿ ಸಾವಿರಾರು ಸಾಮಾನ್ಯ ಜನರ ಕೈಗಳಿದ್ದವು!
ಕಾಡು ಕಳೆದುಕೊಂಡ ದ್ವೀಪಕ್ಕೆ ಜನರೇ ‘ಸ್ಪೇಡ್ ಬ್ರಿಗೇಡ್’
Tiritiri Matangiನಲ್ಲಿ ಸುಮಾರು ಒಂದು ಶತಮಾನ ಕೃಷಿ ನಡೆದ ಪರಿಣಾಮ ಮೂಲ ಕಾಡಿನ ಬಹುಪಾಲು ನಾಶವಾಗಿತ್ತು. ಅಧಿಕೃತ ದಾಖಲೆಗಳ ಪ್ರಕಾರ, 1971ರಲ್ಲಿ ಕೃಷಿ ಲೀಸ್ ಹಿಂತೆಗೆದುಕೊಳ್ಳಲಾಯಿತು. ಆದರೆ ದ್ವೀಪವನ್ನು ಹಾಗೆಯೇ ಬಿಟ್ಟರೆ ಕಾಡು ತಾನಾಗಿಯೇ ಬೇಗ ಮರಳಿ ಬರುವುದಿಲ್ಲ ಎಂಬುದು ವಿಜ್ಞಾನಿಗಳ ಗಮನಕ್ಕೆ ಬಂತು. ಮಣ್ಣಿನ ಪರಿಸ್ಥಿತಿಯೂ native seedlings ಬೆಳೆಯಲು ಅನುಕೂಲಕರವಾಗಿರಲಿಲ್ಲ. ಇಲ್ಲಿಯೇ ಒಂದು ವಿಭಿನ್ನ ಆಲೋಚನೆ ಹುಟ್ಟಿತು. ಪ್ರಕೃತಿಯನ್ನು ಮಾತಿನಲ್ಲಿ ರಕ್ಷಿಸುವ ಬದಲು, ಜನರನ್ನೇ ಪ್ರಕೃತಿ ಪುನರುತ್ಥಾನದ ಭಾಗವಾಗಿಸೋಣ.
1980ರ ದಶಕದಲ್ಲಿ volunteers ದ್ವೀಪಕ್ಕೆ ತೆರಳಲು ಆರಂಭಿಸಿದರು. 1984ರಿಂದ 1994ರವರೆಗೆ ಸುಮಾರು ಹತ್ತು ವರ್ಷಗಳ ಕಾಲ ಸಾವಿರಾರು ಜನರು ಗಿಡಗಳನ್ನು ನೆಟ್ಟರು. ಈ ತಂಡವನ್ನು “spade brigade” ಎಂದು ಕರೆಯಲಾಗುತ್ತಿತ್ತು. ಆ ಅವಧಿಯಲ್ಲಿ ಸುಮಾರು 2.8 ಲಕ್ಷ native trees ಮತ್ತು shrubs ನೆಡಲಾಯಿತು. ದ್ವೀಪದ nurseryಯಲ್ಲಿಯೇ ಅನೇಕ ಸಸಿಗಳನ್ನು ಬೆಳೆಸಲಾಗುತ್ತಿತ್ತು. ಅಂದರೆ, ಒಂದು ದಿನದಲ್ಲಿ ಈ ಕಾಡು ಹುಟ್ಟಲಿಲ್ಲ. ಒಂದು ಗಿಡ. ಮತ್ತೊಂದು ಗಿಡ. ಮತ್ತೆ ಮತ್ತೊಂದು… ಹೀಗೆ ಸಾವಿರಾರು ಜನರ ಕೈಗಳಿಂದ ಹತ್ತು ವರ್ಷಗಳ ಕಾಲ ನಡೆದ ಕೆಲಸವೇ ಇಂದು ಕಾಣುತ್ತಿರುವ ಹಸಿರಿನ ಅಡಿಪಾಯವಾಯಿತು.
ಮರಗಳನ್ನು ನೆಟ್ಟರೆ ಮಾತ್ರ ಸಾಕಾಗುವುದಿಲ್ಲ!
Tiritiri Matangiಯ ಯಶಸ್ಸಿನ ಮತ್ತೊಂದು ಪ್ರಮುಖ ಭಾಗವೆಂದರೆ ಕೇವಲ ಮರಗಳನ್ನು ನೆಡುವುದಲ್ಲ. ದ್ವೀಪದಲ್ಲಿ introduced pests ನಿಯಂತ್ರಿಸುವ ಕೆಲಸವೂ ನಡೆಯಿತು. ವಿಶೇಷವಾಗಿ kiore — Pacific rat ಅನ್ನು 1993ರಲ್ಲಿ ನಿರ್ಮೂಲನೆ ಮಾಡಿದ ನಂತರ native wildlifeಗೆ ಹೆಚ್ಚು ಸುರಕ್ಷಿತ ಪರಿಸರ ಸಿಕ್ಕಿತು. ನಂತರ ಅಪರೂಪದ native birdsಗಳನ್ನು ದ್ವೀಪಕ್ಕೆ ಮರುಸ್ಥಾಪಿಸುವ ಕೆಲಸವೂ ಮುಂದುವರಿಯಿತು. ಇಂದು Tiritiri Matangiನಲ್ಲಿ takahē, North Island saddleback, brown teal, North Island robin, little spotted kiwi ಸೇರಿದಂತೆ ಹಲವು threatened native bird species ಕಾಣಸಿಗುತ್ತವೆ. ಕೆಲವು ಪ್ರಭೇದಗಳನ್ನು ಸಂರಕ್ಷಣಾ ಯೋಜನೆಯ ಭಾಗವಾಗಿ ಇಲ್ಲಿ ಮರುಸ್ಥಾಪಿಸಲಾಗಿದೆ.
ಕಾಡು ಬೆಳೆಸುವುದು ಎಂದರೆ ಕೇವಲ ಮರ ನೆಡುವುದು ಅಲ್ಲ. ಮರ ಬೆಳೆದ ನಂತರ ಅದನ್ನು ರಕ್ಷಿಸಬೇಕು. invasive speciesಗಳನ್ನು ನಿಯಂತ್ರಿಸಬೇಕು. ಪ್ರಾಣಿಗಳಿಗೆ habitat ಬೇಕು. ನೀರು, ಮಣ್ಣು ಮತ್ತು ಸಸ್ಯಗಳ ನಡುವಿನ ಸಮತೋಲನವನ್ನು ಮರಳಿ ತರಬೇಕು. Tiritiri Matangiಯಲ್ಲಿ ಈ ಎಲ್ಲ ಕೆಲಸಗಳು ವರ್ಷಗಳ ಕಾಲ ಮುಂದುವರಿದವು.
ಇಂದು Tiritiri Matangi ನ್ಯೂಜಿಲೆಂಡ್ನ ಪ್ರಮುಖ conservation success storiesಗಳಲ್ಲಿ ಒಂದಾಗಿ ಗುರುತಿಸಿಕೊಂಡಿದೆ. ನ್ಯೂಜಿಲೆಂಡ್ನ ಅಧಿಕೃತ ಪ್ರವಾಸೋದ್ಯಮ ಮಾಹಿತಿಯ ಪ್ರಕಾರ, ದ್ವೀಪದಲ್ಲಿ ಸಾವಿರಾರು volunteers ಸುಮಾರು 3 ಲಕ್ಷ native trees ನೆಟ್ಟಿದ್ದಾರೆ ಮತ್ತು ನಂತರ threatened native birdsಗಳನ್ನು ಮರುಸ್ಥಾಪಿಸುವ ಕೆಲಸವೂ ನಡೆದಿದೆ.
ಒಮ್ಮೆ ಮನುಷ್ಯನೇ ಹಾಳು ಮಾಡಿದ ಪರಿಸರವನ್ನು, ಮತ್ತೆ ಮನುಷ್ಯನೇ ಸರಿಪಡಿಸಬಹುದು ಎಂಬುದಕ್ಕೆ Tiritiri Matangi ಒಂದು ಜೀವಂತ ಉದಾಹರಣೆ.
ಇಂದು ಅಲ್ಲಿ ಕೇಳಿಸುವ ಪಕ್ಷಿಗಳ ಧ್ವನಿ, ಕಾಣಿಸುವ native forest ಮತ್ತು ಮರಳಿ ಬಂದ wildlife—ಇವೆಲ್ಲವೂ ಪ್ರಕೃತಿ ಸಂಪೂರ್ಣವಾಗಿ ಸೋತಿಲ್ಲ ಎಂಬುದನ್ನು ನೆನಪಿಸುತ್ತವೆ.
ಪ್ರಕೃತಿಗೆ ಸ್ವಲ್ಪ ಅವಕಾಶ ಕೊಟ್ಟರೆ, ಅದು ತನ್ನನ್ನು ತಾನೇ ಮತ್ತೆ ಕಟ್ಟಿಕೊಳ್ಳಲು ಆರಂಭಿಸುತ್ತದೆ. ಆದರೆ ಆ ಅವಕಾಶವನ್ನು ಸೃಷ್ಟಿಸುವ ಕೆಲಸ ಕೆಲವೊಮ್ಮೆ ನಮ್ಮದೇ ಆಗಿರುತ್ತದೆ.