ವಾಷಿಂಗ್ಟನ್: ಎಲಾನ್ ಮಸ್ಕ್ ನೇತೃತ್ವದ SpaceX ಸಂಸ್ಥೆಯ ‘Starship’ ರಾಕೆಟ್ ಮತ್ತೊಮ್ಮೆ ವಿಶ್ವದ ಗಮನ ಸೆಳೆದಿದೆ. ಯಶಸ್ವಿ ಟೆಸ್ಟ್ ಫ್ಲೈಟ್ ಪೂರ್ಣಗೊಳಿಸಿದ ಬಳಿಕ ಹಿಂದೂ ಮಹಾಸಾಗರದಲ್ಲಿ splashdown ವೇಳೆ Starship ಸ್ಫೋಟಗೊಂಡಿದೆ.
SpaceX ನಡೆಸಿದ ಪರೀಕ್ಷಾ ಹಾರಾಟದಲ್ಲಿ Starship ನಿಗದಿತ ಮಾರ್ಗದಲ್ಲಿ ಯಶಸ್ವಿಯಾಗಿ ಹಾರಾಟ ನಡೆಸಿ ಹಲವು ಪ್ರಮುಖ ಗುರಿಗಳನ್ನು ಸಾಧಿಸಿತು. ಬಳಿಕ ನಿಯಂತ್ರಿತವಾಗಿ ಭಾರತೀಯ ಮಹಾಸಾಗರದಲ್ಲಿ ಇಳಿಯುವ ಪ್ರಕ್ರಿಯೆ ಆರಂಭಿಸಲಾಯಿತು. ಆದರೆ ನೀರನ್ನು ತಾಕಿದ ಕೆಲವೇ ಕ್ಷಣಗಳಲ್ಲಿ ರಾಕೆಟ್ ಅಗ್ನಿಗೋಳವಾಗಿ ಸ್ಫೋಟಗೊಂಡಿದ್ದು, ಅದರ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿವೆ.
ಈ ಮಿಷನ್ನಲ್ಲಿ Starship atmospheric re-entry, landing manoeuvre ಹಾಗೂ ಹಲವು ತಾಂತ್ರಿಕ ಪರೀಕ್ಷೆಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದೆ ಎನ್ನಲಾಗಿದೆ. ಹಾರಾಟದ ವೇಳೆ ಒಂದು Raptor ಎಂಜಿನ್ನಲ್ಲಿ ತಾಂತ್ರಿಕ ಸಮಸ್ಯೆ ಕಾಣಿಸಿಕೊಂಡಿದ್ದರೂ, ಮಿಷನ್ನ ಪ್ರಮುಖ ಉದ್ದೇಶಗಳು ಬಹುತೇಕ ಯಶಸ್ವಿಯಾಗಿವೆ ಎಂದು ತಿಳಿದುಬಂದಿದೆ.
SpaceX ಭವಿಷ್ಯದಲ್ಲಿ Starship ಅನ್ನು ಚಂದ್ರ ಮಿಷನ್, ಮಂಗಳ ಗ್ರಹ ಯಾನ, ಮಾನವ ಬಾಹ್ಯಾಕಾಶ ಪ್ರಯಾಣ, ಭಾರೀ ಉಪಗ್ರಹ ಉಡಾವಣೆ ಕಾರ್ಯಕ್ರಮಗಳಿಗೆ ಬಳಸುವ ಮಹತ್ವಾಕಾಂಕ್ಷೆ ಹೊಂದಿದೆ. Starship ವಿಶ್ವದ ಅತಿ ದೊಡ್ಡ ಹಾಗೂ ಅತಿ ಶಕ್ತಿಶಾಲಿ ರಾಕೆಟ್ ವ್ಯವಸ್ಥೆಯಾಗಿದೆ. NASA ಯ Artemis ಚಂದ್ರ ಯೋಜನೆಯಲ್ಲೂ ಇದಕ್ಕೆ ಪ್ರಮುಖ ಪಾತ್ರವಿದೆ.
ಈ ಹಿಂದೆ ನಡೆದ ಹಲವು ಪರೀಕ್ಷಾ ಹಾರಾಟಗಳಲ್ಲೂ Starship ಸ್ಫೋಟ, ಸಂಪರ್ಕ ಕಳೆತ ಮತ್ತು re-entry ಸಮಸ್ಯೆಗಳನ್ನು ಎದುರಿಸಿತ್ತು. ಆದರೂ SpaceX ಹಂತ ಹಂತವಾಗಿ ತಂತ್ರಜ್ಞಾನವನ್ನು ಸುಧಾರಿಸುತ್ತಿದೆ. ಭಾರತೀಯ ಮಹಾಸಾಗರದಲ್ಲಿ ನಡೆದ splashdown ಬಳಿಕದ ಸ್ಫೋಟದ ದೃಶ್ಯಗಳು ಈಗ ವಿಶ್ವದಾದ್ಯಂತ ಭಾರೀ ಚರ್ಚೆಗೆ ಕಾರಣವಾಗಿವೆ.
